रोहिङ्ग्या शरणार्थीको सबैभन्दा ठूलो शिविरमा आगलागी, हजार बढी घर जलेर नष्ट

बंगलादेश । रोहिङ्ग्या शरणार्थीको सबैभन्दा ठूलो शिविरमा आगलागी हुँदा एक हजारभन्दा धेरै घर जलेर नष्ट भएका छन् । कक्स बजार नजिकै रहेको शिविरमा आगलागी भएको हो । आगो लागेको धेरै लामो समयपछि नियन्त्रणका लागि अग्नि नियन्त्रक र स्वयंसेवकहरूले प्रयास गरेका थिए । बाँस र काठको घररहेका यो शिविरमा अहिलेसम्मकै सबैभन्दा ठूलो आगलागी भएको जनाइएको छ । म्यानमारमा हिंसाका कारण रोहिङ्ग्या मुसलमानहरू आफ्नो ज्यान बचाउन बंगलादेशमा शरण लिएर बसिरहेका छन् । शिविरमा ११ लाखभन्दा धेरै रोहिङ्ग्या शरणार्थी बस्दै आएका छन् ।