- ५ श्रावण २०८३, मंगलवार / Jul 21, 2026
काठमाडौँ । सामाजिक सञ्जाललबाट सम्बन्ध विस्तार गर्ने अनि धनाड्यलाई लुट्ने धन्दामा केही युवती लागेको खुलेको छ । जसलाई प्रहरीले ‘हनी ट्र्याप’ नाम दिएको छ ।
हप्ता दिन अघि दुई युवतीले कपन र इमाडोल बस्ने दुई पुरुषलाई चावहिलस्थित एक गेस्ट हाउसमा बोलाएर बसिन्, अनि गोप्यरुपमा युवाको भिडियो युवतीले खिचिन् । सबै आआफ्नो घर तिर लागे । पछिल्लो दिन ती युवतीले म्यासेन्जरमा भिडियो ती युवकलाई पठाइन् ।
युवाहरु चकित परे भिडियो हेरेर, केही समयपछि ती युवतीले युवकसँग आठ लाखको वार्गेनिङ्ग गरेर रकम असुल गरिन् । पैसा त दिए तर ती युवकले प्रहरीको महानगरीय अपराध महाशाखामा उजुरी गरिहाले । प्रहरीले दुवै युवतीसहित तीनजनालाई पक्राउ गर्यो ।
पक्राउ पर्नेमा जाजरकोट घर भई हाल काठमाडौँ गोंगबु बस्ने सङ्गीता शाह, सिन्धुपाल्चोक घर भई गोंगबु बस्ने सुस्मिता गिरी र नुवाकोट घर भई स्वयम्भू बस्ने २१ वर्षीय शंकर खनाल रहेका छन् । चिनेजानेकै एक महिलाले सुन्धारास्थित एउटा होटलमा पैसा हराएको भन्दै सहयोगका लागि होटलमा बोलाएको ति पुरुषको भनाइ छ ।
हतार गर्दै होटलमा पुगेका ती पुरुषसंग शारीरिक रूपमा नजिकिने अनौठो गतिविधि गरेर एक महिला अश्लील्ता पर्दशन गर्न थालिन् भने अर्की युवतीले भिडियो खिचिन् । पुरुष उम्किएर घर गए तर म्यासेन्जरमा भिडियो पठाएर धम्क्याउँदै ब्ल्याकमेलिङ सुरु भयो । पुरुषले तीन लाख रुपैयाँ दिए तर ती महिलाले आठ लाख रुपैयाँ मागिन् ।
आठलाख तिरेपछि पुरुषले उजुरी दिएको प्रहरीको भनाई छ । पक्राउ पर्नेमा सुर्खेत घर भई घट्टेकुलो बस्ने लालसरी शाही र कल्पना हमाल रहेको महानगरीय अपराध महाशाखाले जनाएको छ ।
