- २२ असार २०८३, सोमबार / Jul 6, 2026
काठमाण्डौं । खेल क्षेत्रमा एन्टी डोपिङ अर्थात् लागुऔषध र शक्तिवर्धक वस्तुको गैरकानुनी प्रयोगविरुद्धको अभियान सार्थक बनाउन नेपालले जोड दिएको छ ।
संयुक्त अरब इमिरेट्स (यूएई) को दुबईमा जारी खेलकुदमा एन्टी डोपिङ सम्बन्धी १७ औँ एसिया तथाओसिनिया क्षेत्र अन्तर मन्त्रिस्तरीय बैठकमा प्रस्तुति दिदै युवा तथा खेलकुद मन्त्री महेश्वरजङ्ग गहतराजले उक्त अभियानमा नेपालको प्रतिबद्धता जनाए ।
यो अभियानलाई सार्थक बनाउनुपर्ने विचार व्यक्त गरे । नेपालले राष्ट्रिय एन्टी डोपिङ संस्था बनाउने क्रममा निर्देशक समिति गठन गरी प्रक्रिया सुरु गरेको र एन्टी डोपिङ सम्बन्धी नीति तथा कानुन निर्माण गरी खेललाई स्वच्छ बनाउन सकारात्मक योगदान दिने मन्त्रालयका सचिव डाक्टर दामोदर रेग्मीले बताए ।
४५ देशको सहभागिता रहेको बैठकले सन् २०२२ देखि २४ सम्मका लागि रणनीति पारित गर्ने बताइएको छ ।
