- १८ असार २०८३, बिहीबार / Jul 2, 2026
भक्तपुर । लागू औषधसहित भक्तपुरबाट एक युवा पक्राउ परेका छन् । जिल्ला प्रहरी परिसर नजिकै औद्योगिक क्षेत्रबाट पक्राउ गरेको प्रहरीले जनाएको छ । सवारी साधन चेकजाँच गर्ने क्रममा गएराति भनपा वडा नं. २ कालोपाटीमोडमा बाग्मती प्रदेश ०२–०३४ प। २३२५ नं। को स्कुटीको डिकीबाट लागू औषध फेलापारेको हो ।
स्कुटी चालक सूर्यविनायक नगरपालिका वडा नं. ६ सूर्यविनायक बस्ने २८ वर्षिय सुशान्त अवाललाई नियन्त्रणमा लिएर अनुसन्धान थालेको डिएसपी बसन्त पाठकले बताए । स्कुटीको डिकीबाट नोर्फिन –४५ एम्पुल, डाईजोपाम –४५ एम्पुल, फेनेरागन –४५ एम्पुल, प्रयोग नभएको सिरिन्ज,
प्रयोग भएको सिरिन्ज – ६ थान परिमाणको लागू औषध फेलापारे उहाले बताए । अहिले स्कुटी सहित अवाललाइ नियन्त्रणमा लिई परिसर भक्तपुरमा राखेर थप अनुसन्धान गरिरहेको डिएसपी पाठकले बताए ।
