- १४ आश्विन २०८३, बुधबार / Sep 30, 2026
भक्तपुर । विद्यालयमा बन्द, हड्ताल र तालाबन्दीलगायतका अवाञ्छित गतिविधि गर्न नहुने भक्तपुर नगरपालिकाका प्रमुख सुनिल प्रजापतिले बताएका छन् ।
एभरेष्ट इंगलिश सेकेन्डरी स्कूलमा आयोजित 8th Hub Convention on SQC 2020 कार्यक्रमको उद्घाटन गर्दै प्रमुख प्रजापतिले ज्ञानविज्ञानको केन्द्रका रुपमा भक्तपुरको शिक्षा, स्वास्थ्य, पर्यटनलाई लगेको बताए ।
देशकै उत्कृष्ट शैक्षिक गन्तव्य बन्दै गएको भक्तपुरको शिक्षालाई नगरपालिकाले अगाडि बढाइरहेको बताए । समाजलाई योगदान गर्न सक्ने जनशक्तिको खाँचो भएको भन्दै उच्च शिक्षा र रोजगारीका लागि नेपाली विद्यार्थी विदेशीयको बताए ।
त्यो सोचबाट टाढा राहनका लागि विद्यालयले गुणस्तरीय शिक्षामा जोड दिनु पर्ने बताए । विद्यार्थी र शिक्षकले देशको राजनीतिप्रति चासो राख्नुपर्ने भन्दैबौद्धिक र प्रबुद्ध व्यक्तिले देशको भविष्य प्रति चिन्ता गरेर अगाडि बढ्नुपर्ने बताए ।
भिडियो हेर्न यहाँ क्लिक गर्नुस्…
यस्तै एस.क्यु.सी.को अवधारणाले विद्यार्थीहरुमा आत्मविश्वास जगाएको एभरेष्ट इंगलिस स्कूलका प्र.अ.भक्तराज भण्डारीले बताए । आफ्ना समस्या पहिचान गरी आफै समाधान गर्ने क्षमता अभिवृद्धि गर्नु नै एस.क्यु.सी.को उदेश्य रहेको उनको धारणा छ ।
देशभक्त, अनुशासित विद्यार्थी उत्पादन गर्न एभरेष्ट इंगलिश स्कुलले विशेष जोड दिएको भन्दै एस.क्यु.सी. गठनले उपलब्धी हासिल गर्न सहज भएको दावी गरे ।
एस.क्यु.सी. स्थापनाको २० वर्ष पुगिसक्दा धेरै विद्यालयहरुले समिति गठन गरिसकेको संस्थापक दिनेश चापागाइँले बताए । यस कार्यक्रमले २१ औं शताब्दीका विद्यार्थीहरुको गुणस्तर मापन गर्ने आधारका रुपमा समितिले काम गर्दै आइरहेको उनको भनाइ छ ।
