- १० आश्विन २०८३, शनिबार / Sep 26, 2026
काठमाडौं । नेपाल एयरलाइन्सको उडान नं ४०१ विमानमार्फत भारतको मुम्बई उड्न लागेका एक अभियुक्तलाई त्रिभुवन अन्तर्राष्ट्रिय विमानस्थलबाट प्रहरीले पक्राउ गरेको छ । कैलाली धनगढीका सन्तोषकुमार लामिछानेलाई पक्राउ गरिएको हो ।
शङ्कास्पद गतिविधिमा संलग्न रहेको सूचनाका आधारमा लामिछानेलाई विमानस्थलबाट पक्राउ गरिएको नेपाल प्रहरीका प्रवक्ता प्रहरी नायब महानिरीक्षक (डिआइजी) टेकप्रसाद राईले बताए ।
विमानस्थलबाट विमान चढिसकेको अवस्थामा अभियुक्तलाई पक्राउ गरिएको र हिरासतमा लिएर हाल गौशला प्रहरीमा राखिएको राईले बताए । थप अनुसन्धानका लागि कैलाली पठाउने तयारी भइरहेको उनको भनाइ छ । प्रहरी प्रधान कार्यालयको विशेष ब्युरोको टोली विमानस्थलबाट अभियुक्तलाई पक्राउ गरेको हो ।
