छुट्टै लाइन बस्नु पर्ने बाध्यता हट्यो

काठमाण्डौ । वैदेशिक रोजगारीमा जानेले छुट्टै लाइन बस्नु नपर्ने भएको छ । श्रम, रोजगार तथा सामाजिक सुरक्षा मन्त्रालयले त्रिभुवन अन्तर्राष्ट्रिय विमानस्थलमा राखेको श्रम डेस्क हटाएर लाइनमा बस्न नपर्ने बनाएको हो । मन्त्री श्रेष्ठ सहित मन्त्रालयका अधिकारीहरु अन्तर्राष्ट्रिय विमानस्थलमा पुगेर श्रम डेस्क हटाइएको हो ।

श्रम डेस्कमा सहीछाप लगाउने नाममा वैदेशिक रोजगारीमा जाने श्रमिकलाई दुःख दिइएको गुनासो आएपछि श्रम, रोजगार तथा सामाजिक सुरक्षामन्त्री कृष्णकुमार श्रेष्ठले विमानस्थलमा राखिएको श्रम डेस्क हटाउने निर्णय गरेका हुन । विमानस्थलमा श्रमिकहरूको समस्यालाई समाधान गर्दै जाने प्रतिवद्धता पनि मन्त्री श्रेष्ठले प्रतिवद्धता व्यक्त गरेका छन् । चालु आर्थिक वर्षको ७ महिनामा मात्र ३ लाख ५० हजार भन्दभ धेरै श्रमिकले त्रिभुवन विमानस्थल प्रयोग गरेका थिए ।