- ७ आश्विन २०८३, बुधबार / Sep 23, 2026
काठमाडौं । राजनीतिक दलहरुबीच संसदीय समितिको सभापति चयन प्रक्रिया अघि बढाउने विषयमा सहमति जुटेको छ ।
मंगलबार सिंहदबारमा नेपाली कांग्रेस, नेकपा एमाले र नेकपा माओवादी केन्द्रका शीर्ष नेता र सभामुख देवराज घिमिरेबीच भएको छलफलमा सभापति चयन प्रक्रिया अघि बढाउने सहमति गरेका हुन् ।
छलफलमा सभामुख घिमिरेले लामो समयदेखि संसदीय समितिहरु ज्येष्ठ सदस्यको अध्यक्षतामा सञ्चालन भइरहेको भन्दै सभापति चयनमा छिटो सहमति गर्न आग्रह गरेको कानुन न्याय तथा संसदीय मामिलामन्त्री धनराज गुरुङले बताए ।
संसदीय गतिविधिलाई सक्रिय बनाउने काम राजनीतिक दल र तिनका नेताहरुको भएको भन्दै सभामुख घिमिरेले आफ्नोमात्रै जिम्मेवारी नभएको बताए ।
दलहरुबीच सहमति नहुँदा प्रतिनिधिसभाको संसदीय समितिको सभापति चयन भएको छैन् ।
