- १७ असार २०८३, बुधबार / Jul 1, 2026
कैलाश समाचारले मन्त्री ज्यु आउनु भो डा.सुमित्रा
भक्तपुर । सिन्धुपाल्चोक लिदीमा पहिरोले ठूलो मानवीय क्षेती पु¥याएको घटनाका पीडितलाई राहत र उद्धारमै व्यस्त रहेका बाग्मती प्रदेश सरकार सामाजिक विकासमन्त्री शरद दुलालले कैलाश खबरलाई धन्यवाद दिएका छन् ।
‘कर्मचारी अभावले छट्पटीमा सुविधा सम्पन्न भक्तपुर अस्पताल, अभावकै बीच उत्कृष्ट कार्य सम्पादन’ शिर्षकको समाचारमा अस्पताल भित्रका राम्रा पक्ष र अस्पतालले भोग्नु परेका आन्तरिक समस्या उजागर गरेपछि, विषम परिस्थितिमा थप संक्रमण फैलन नदिन र बिरामीले समयमै उपचार पावस भन्ने उदेश्यले आफु तत्कालै अस्पतालको अनुगमनमा आएको मन्त्रीले बताए ।
www.kailashkhabar.com मा समाचार बाहिर आएको एक दिन वित्न नपाउदै अस्पतालको अनुगमन गर्न पुगेका सामाजिक विकास मन्त्री दुलालले समाचारका लागि धन्यवाद दिदै अब अस्पतालमा ल्याबको समेत व्यवस्था मिलाउन लागेको जानकारी दिए ।
त्यस्तै अस्पतालको समस्यालाई उजागर गरेर मन्त्री सम्मको ध्यानाकर्षण भएकोमा कैलाश खबर परिवारलाई धेरै धेरै धन्यवाद भन्दै डा. सुमित्रा गौतमले खुसी व्यक्त गरिन् । शनिवार विहान अस्पतालमा अनुगमन गर्न मन्त्री आएको भन्दै डा. गौतमले पाँच सय शैयाको आइसोलेशन र ल्याव सहितको सेवा संचालन गरिने मन्त्रीले आश्वासन दिएको बताईन ।
समाचारले राम्रो प्रभावले उक्त सेवा एक दुई दिन भित्रै संचालनमा आउने र अव भक्तपुरवासीले सहज उपचार पाउने भएका छन् भन्दै डा. गौतमले धन्यवाद दिदै खुसी व्यक्त गरिन् ।
