- १३ भाद्र २०८३, शनिबार / Aug 29, 2026
काठमाडौं । प्रतिनिधिसभा सदस्य निर्वाचनको समानुपातिकतर्फ एक करोड मतगणना सकिएको छ । बिहानसम्म १ करोड ८ लाख २ हजार ९ सय ७ मतगणना भएको निर्वाचन आयोगले जनाएको छ । एमाले पहिलो दल बन्ने निश्चित छ । एमालेले २६ लाख ९९ हजार ७ सय १८ मत ल्याएको छ भने कांग्रेस २५लाख ५७ हजार ५ सय ९६ मतसहित दोस्रोमा छ ।
राष्ट्रिय स्वतन्त्र पार्टी १० लाख ९८ हजार ३ सय २१ मतसहित तेस्रोमा पछ्याइरहेको छ । माओवादीले १० लाख ७३ हजार ७९ मतसहित चौथो स्थानमा छ । राष्ट्रिय प्रजातन्त्र पार्टी ५ लाख ७० हजार ७ सय ५६ मतसहित पाँचौ स्थानमा रहेको छ भने जनता समाजवादीको मत ३ लाख ८९ हजार १९७ रहेको छ । एकीकृत समाजवादीभन्दा अगाडि जनमत पार्टी रहेको छ ।
जनमत पार्टीको मत ३ लाख ९३ हजार ६८२ मत रहँदा एकीकृत समाजवादीको मत २ लाख ८२ हजार ३५१ छ । नागरिक उन्मुक्ति पार्टीको मत भने २ लाख ५० हजार ५९ रहेको छ । लोकतान्त्रिक समाजवादी पार्टी नेपालले १ लाख ४८ हजार ५७ र नेपाल मजदुर किसान पार्टीले ७३ हजार ६ सय ३ मत पाएको छ । अब बाजुरा, स्याङ्जा २, दोलखा र सुनसरी ३ को १ लाख मतगणना बाँकी छ ।
