सरसफाइमा ध्यान दिन प्रदेश सांसद श्रेष्ठको आग्रह

भक्तपुर । बागमती प्रदेश सभा सदस्य सुरेश श्रेष्ठले आफ्नो ठाउँ आफैले सफा गरे मात्र आफू स्वस्थ हुने बताएका छन् । शनिवार चाँगुनारायण नगरपालिका वडा नम्वर १ खड्का डिल देखि मनोहरा स्कुलसम्म सफाइ कार्यक्रममा सांसद श्रेष्ठले उक्त कुरा बनाएका हुन । उनले आफ्नो ठाउँ आफै सफा नगरे कहिले पनि सफा नहुने तर्क गरे ।

“आफ्नो ठाउँ आफैले सफा नगर्ने हो भने आफैलाई रोगले समात्ने बताउँदै हामी आफै मिले आफ्नो टोल छिमेक सफा हुन्छ” उनले भने । मरेका जीव जन्तुहरू तथा घर बाट निक्लने फोहर व्यवस्थापनमा सबैले ध्यान दिनुपर्ने उनको भनाई थियो । मनोहरा बचत तथा ऋण सहकारी संस्थाले गरेको सरसफाइ कार्यक्रममा स्थानीयको उल्लेख्य उपस्थिति रहेको थियो ।