- २८ जेष्ठ २०८३, बिहीबार / Jun 11, 2026
सानोठिमी । स्वास्थ्यका लागि खेलकुद, राष्ट्रको लागि खेलकुद भन्ने नाराका साथ सानोठिमी तेक्वान्दो डोजाङ्गमा तेक्वान्दो प्रशिक्षण प्ररिक्षार्थीहरूको जूनियर ग्रेडिङ प्रमाण–पत्र वितरण कार्यक्रम सम्पन्न भएको छ ।
सानोठिमी तेक्वान्दो डोजाङ्ग मध्यपुरथिमी नगरपालिका– २ को आयोजनामा भएको उक्त कार्यक्रममा बोल्दै प्रमुख अतिथि PWECAN का CEO, नेपाल प्रोफेशनल रेस्लिङका संस्थापक भरत बहादुर बिशुरालले खेलकुदमा राज्यले लगानी गर्नु पर्ने बताए ।
खेलाडीको क्षेमता विकास मा ध्यान दिन स्थानीय सरकारको पनि दायित्व भएकाले यसमा सबैको हातेमालो हुनु पर्ने बताए । यस्तै खेलकुदको विकास गर्न खेलाडीले आफ्नो स्वास्थ्यलाई पनि विकास गरेर लैजानु पर्ने बताए ।
कार्यक्रममा भक्तपुर जिल्ला टेकवान्दो संघका अध्यक्ष इन्द्र चित्रकारले खेलकुदको विकास नभए राष्ट्रको विकास पनि असम्भव हुने धारणा राखे ।
कार्यक्रममा खेलकुद क्षेत्रको विकासलाई पहिलो प्राथमिक्तामा राखेर काम गर्नु पर्ने सरोकारवालाले बताए । प्रमाण पत्र वितरणसंगै मायाको चिनो पनि वितरण गरिएको थियो ।
