सार्वजनिक सेवा प्रभावित हुदै, फैलिदै ओमिक्रोन

काठमाडौं । कोरोना भाइरसका कारण सार्वजनिक सेवा प्रभावित हुन थालेका छन् । नयाँ भेरियन्टओमिक्रोन समुदायमा फैलिएसँगै सेवाग्राहीको भीडभाड हुने सरकारी कार्यालयमा सङ्क्रमणको जोखिम तीव्र गतिमा बढ्दै गएको छ । विभिन्न कार्यालयहरु अर्को सूचना नआइञ्जेलसम्मलाई कार्यालयको सेवा प्रवाह स्थगन गरिएको सूचना निकाल्दै बन्द हुदै गएका छन् । सेवा रोकिएपछि बेलैमा सेवा लिनबाट सर्वसाधारण वञ्चित हुने स्थिति सिर्जना भएको छ ।

लपोत कार्यालय, जिल्ला प्रशासन कार्यालयलगायत विभिन्न सरकारी कार्यालयहरु कोरोनाको चपेटामा परेका छन् । कोरोना संक्रमितको उपचारमा खटिएका स्वास्थ्यकर्मी, सुरक्षानिकायसम्बद्ध सुरक्षाकर्मी संक्रमित हुदै गएका छन् । जिल्ला प्रशासन, मालपोत र नापी कार्यालयले अबदेखि स्थानीय तहअनुसार दिन बाँडेर सेवा दिने जनाइएको छ ।