- १४ जेष्ठ २०८३, बिहीबार / May 28, 2026
कञ्चनपुर । पछिल्लो समय कञ्चनपुरको दोधारा चाँदनीका बासिन्दा मेलापात गर्न र गाईवस्तुलाई घाँस र स्याउला लिन भारतमा जाने गरेका छन् । सीमा नाकामा दुई देशबीचका नागरिकको आपसी सम्बन्धका कारण सम्भव भएको जनाइएको छ ।
दोधाराका मानिस भारतीय गाउँ कलौनामा मेलापात जाने गरेका छन् । झन्डै तीन किलोमिटर बाटो हिँडेर महिला भारतीय बस्ती कलौना पुग्ने गरेका छन । दोधारा चाँदनीको कुतियाकवरमा विसं २०२२ देखि बस्दै आएका टेकबहादुर सुनारले अहिलेसम्म दुई देशका नागरिकबीच मनमुटावका नभएको बताउँछन् ।
विसं २०६५ मा जोगबुढा नदीमा झोलुङ्गे पुल बनेपछि नेपालसँग सम्पर्क जोडिएको हो । उनीले भने ‘ ‘मेलापात, बिहे, व्रतबन्धलगायतका कार्यक्रममा पनि हामी आउने– जाने गर्छौँ, हामीले पनि बोलाउँछौँ, उहाँहरूले पनि बोलाउनुहुन्छ । हामी सिमाका बासिन्दा सीमाका प्रहरेदार हौ ।’
महाकालीपारिको गाउँ भनेर चिनिने दोधारा चादँनी नगरपालिकाको उत्तर, पश्चिम र दक्षिणमा भारतसँगको खुला सिमाना रहेको छ । यहाँका औसत परिवारको आम्दानीको स्रोत नै कृषि व्यवसाय रहेको छ ।
