सुनको मूल्य अहिलेसम्मकै उच्च बिन्दुमा

काठमाडौं । सुनको मूल्यले नयाँ कीर्तिमान कायम गरेको छ । स्थानीय बजारमा सुनको मूल्य प्रतितोला ९०० रुपैयाँले बढेर सुनको मूल्य अहिलेसम्मकै उच्च बिन्दुमा पुगेको हो ।

सोमबार छापावाल सुनको मूल्य तोलामा १ लाख ४६ हजार ९०० रुपैयाँ थियो भने नेपाल सुनचाँदी व्यवसायी महासंघका अनुसार मंगलबार छापावाल सुनको मूल्य तोलामा १ लाख ४७ हजार ८०० रुपैयाँ पुगेको छ ।

महासंघले मंगलबार चाँदीको मूल्य तोलामा १८ सय ७५ रुपैयाँ कायम रहेको जनाएको छ । सोमबार १८ सय ८५ रुपैयाँमा कारोबार भएको थियो । मंगलबार तेजाबी सुनको मूल्य तोलामा १ लाख ४७ हजार १०० रुपैयाँ कायम छ । चाँदीको मूल्य तोलामा १० रुपैयाँले घटेको छ ।