- १४ श्रावण २०८३, बिहीबार / Jul 30, 2026
काठमाडौं । चीन र साउदी अरेबिया बीच सुरक्षादेखि तेलसम्मका विषयमा सहकार्य गर्ने सहमति भएको छ । चीनका राष्ट्रपति सी जिनपिङ र साउदीका राजा सलमान बीच सुरक्षादेखि तेलसम्मका विषयमा सहकार्य गर्ने सहमति भएको हो । दुई देशबीच सम्झौतापछि साउदी प्रेस एजेन्सीले संयुक्त विज्ञप्ति सार्वजनिक गरेको छ ।
विज्ञप्तिमा ऊर्जा, सुरक्षा, इरानको आणविक कार्यक्रम, यमनको सङ्कट र युक्रेन–रुस युद्धलगायत विश्वव्यापी मुद्दाहरूमा छलफल भएको जनाइएको छ । साउदी अरबका राजा सलमान र उनका ३७ वर्षीय छोरा राजकुमार प्रिन्स मोहम्मद बिन सलमानसँग भएको भेटमा दुवै पक्षले तेल बजारमा ‘स्थिरताको महत्त्व’ मा जोड दिएको उल्लेख गरिएको छ ।
दुवै पक्षले सबै क्षेत्रमा संयुक्त कार्यलाई निरन्तरता दिने, दुई देशबीचको व्यापक रणनीतिक साझेदारीको ढाँचाभित्र रहेर सम्बन्धलाई प्रगाढ बनाउने र नयाँ तथा आशाजनक योजनामा जोड दिएको जनाइएको छ । भ्रमणमा चीन र साउदी अरेबिया सुरक्षादेखि तेलसम्मका विषयमा सहकार्य गर्न पनि सहमत भएको र आपसी आन्तरिक विषयमा कुनै हस्तक्षेप नगर्ने सहमति भएको उल्लेख गरिएको छ ।
