- ११ बैशाख २०८३, शुक्रबार / Apr 24, 2026
म्यानमार । बेलायतले म्यानमारमा रहेका आफ्ना नागरिकलाई स्वदेश फर्कन आग्रह गरेको छ । सेनाको ज्यादती बढ्दै गएपछि बेलायतले आफ्ना नागरिकलाई फर्किन आग्रह गरेको हो ।
प्रदर्शनकारीमाथि भइरहेको ज्यादती रोक्न अनुरोध गर्दै बेलायत, अमेरिका, जापान, अस्ट्रेलिया लगायत विभिन्न १२ देशले भत्सर्ना गरेका छन् । सेनाले गोली ठोकेर बालबालिकासहित एक सयभन्दा धेरैको ज्यान लिएको थियो । हिंसा लगातार बढ्दै गएपछि अन्तर्राष्ट्रिय समुदायले घटनाको भत्सर्ना गर्दै आएका छन् ।
म्यानमारको सुरक्षाबललाई ‘आतंकको शासनकाल’ भनेर अमेरिकाले आफ्नो धारणा सार्वजनिक गरेको छ । गएको फेब्रुअरी १ तारिखमा प्रजातन्त्रवादी नेतृ आङ सान सुकीलगायत नेतालाई हिरासतमा लिँदै सेनाले सत्ता हातमा लिएदेखि नै अन्तराष्ट्रिय समुदायले यसको विरोध गर्दै आएका छन् ।
एक सयभन्दा धेरैको ज्यान लिएपछि म्यानमारका सैन्य प्रमुख मिन आङ लाइङ र उनका जनरलले भव्य भोज गरेको बीबीसीले उल्यख गरेको छ । म्यानमार सेनाले अहिलेसम्म ४ सयभन्दा धेरै प्रदर्शनकारीको ज्यान लिएको संचारमाध्यमले जनाएका छन् ।
