स्थानीय प्रविधिको प्रयोग गरी हावाबाट बिजुली उत्पादन

म्याग्दी । म्याग्दीको लभ्लीहिलमा स्थानीय प्रविधिको प्रयोग गरी हावाबाट बिजुली उत्पादन सुरु गरिएको छ । काठ, जस्तापाता, पाइप र धागोजस्ता स्थानीय सामग्रीबाट भर्टिकल उइन टर्वाइन गरी ४ वटा बल्ब बल्ने क्षमताको बिजुली प्लान्ट नयाँ पर्यटकीय स्थल म्याग्दीमानिर्माण गरिएको हो । बेनी नगरपालिका २ खबराको लभ्लीहिल मायालु डाँडोमा म्याग्दी उर्जा प्रविधि केन्द्रको आर्थिक तथा प्राविधिक सहयोगमा स्थानीय सीप र प्रविधिको प्रयोग गरी हावाबाट बिजुली निकालिएको छ ।

विद्युत सेवा उपलब्ध भएपछि लभ्लीहिल आउने आन्तरिक तथा बाह्य पर्यटकहरुको संख्यामा समेत वृद्धि हुने अपेक्षा गरिएको छ । करिब ३ महिनादेखिको निरन्तरको प्रयासपछि स्थानीय प्रविधिको प्रयोग गरी हावाबाट बिजुली उत्पादन गर्न सफल भएको र ७ वटा बल्ब बाल्न सक्ने क्षमता भएपनि अहिले ४ वटा बल्ब मात्र बाल्न सकिएको जनाइएको छ ।