- २ कार्तिक २०८३, सोमबार / Oct 19, 2026
बारा । बोर्डिङ स्कुलका संचालक रुपेश स्वर्णकारको हत्यामा सार्पसुटर संलग्न भएको प्रहरीले जनाएकाे छ ।
हत्यामा सम्लग्न रहेको आरोपमा पाँच जनालाई प्रहरीले पक्राउगरी सार्वजनिक गरेको छ ।
प्रेम सम्बन्ध, रिसिवी र झैझगडाका कारण हत्या भएको जिल्ला प्रहरी कार्यालय बाराका प्रहरी उपरिक्षक शुरेश काफ्लेले बताए ।
मुख्य योजनाकार र सूचना अदानप्रदान गर्ने कलैया उपमहानगरपालिका वडा नम्बर मर्दशा टोल निवासी बर्ष २२ कि राधा गुप्ता, सहयोगीहरु
बर्ष ३४ का जामिल अख्तर, वडा नम्बर ९ रामपुर बस्ने बर्ष २६ को रिजाल अंसारीलाई सार्वजनिक गरेकाे छ ।
पक्राउ पर्नेमा सुटर ग्याङ्गका सदस्य भारत मोतिहारी निवासी २३ बर्षका चन्दन कुमार र मोतिहारी घोडासहान निवासी बर्ष २३ को अभिनव कुमार राजपुत रहेका छन् ।
घटनास्थलबाट प्रहरीले चार थान गोलीको खोका बरामद गरेकाे छ । गोली प्रहार गर्ने ब्यक्तिहरुको पहिचान भईसकेको छ ।
यसअघि पनि बिभिन्न हत्याका घटनामा प्रयोग भएका हतियार र एउटै सार्पसुटर मोतिहारी सुकलहिया निवासी २५ बर्षिय सुजित कुमार सिंह र सोही ठाँउ निवासी चन्चल पाण्डेय, मनिष कुमार सहनी र कामेश्वर सहनी रहेको प्रहरी उपरिक्षक काफलेले बताए ।
मुख्य योजनाकार राधा गुप्ता र भारत निवासी विवाहित मनोज गुप्ताबिच प्रेम समबन्ध रहेको र मृतकसंग तिब्र विवाद र झैझगडाका कारण घटना हुन पुगेको प्रहरीको भनाई छ ।
