हातहतियार बुझाउन गृहले दियो अल्टिमेटम

काठमाडौं । गृह मन्त्रालयले आफुसंग भएको अनुमतिप्राप्त हतियार नजिकको प्रहरी कार्यालयमा बुझाउन सबैलाई अनुरोध गरेको छ ।

मंसिसर १४ गते हुने उपनिर्वाचनको सुरक्षालाई ध्यानमा राख्दै इजाजतप्राप्त हतियार यही मंसिर १० गतेभित्र बुझाउन मन्त्रालयले आग्रह गरेको हो । उपनिर्वाचन सम्पन्न भएपछि सो हतियार सम्बन्धित व्यक्तिले फिर्ता लैजान सक्ने मन्त्रालयले जनाएको छ ।

३७ जिल्लामा उपनिर्वाचन हुँदैछ । सम्बन्धित जिल्लाका व्यक्तिसँग रहेका इजाजतप्राप्त हतियार स्थानीय प्रहरी कार्यालयमा अनिवार्यरूपमा बुझाउन आदेश जारी गरिएको छ ।