- २९ जेष्ठ २०८३, शुक्रबार / Jun 12, 2026
हनोई । एक आवासीय भवनमा आगलागी हुँदा भियतनामको राजधानी हनोईमा ५६ जनाको मृत्यु भएको छ । स्थानीय समयअनुसार मङ्गलबार मध्यरातअघि १० तले भवनको पार्किङ फ्लोरमा भएको प्रत्यक्षदर्शीले बताएका छन् ।
भियतनामको २० वर्षयताकै सबैभन्दा घातक आगलागी भएको प्रहरीले जनाएको छ । आगो नियन्त्रण सम्बन्धी नियम उल्लङ्घन गरेको आरोपमा अपार्टमेन्टका मालिकलाई पक्राउ गरिएको हनोई प्रहरीले जनाएको छ ।
हनोई प्रहरीविभागले जारी गरेको विज्ञप्तिमा भनिएको छ, “अहिलेसम्म ५६ जनाको मृत्यु भएको छ भने ३७ जना घाइते भएका छन् ।” मृत्यु हुनेमा कम्तीमा तीन जना बालबालिका रहेको सरकारी सञ्चारमाध्यमले जनाएका छन् ।
