भर्खरै : Sorry, your browser does not support inline SVG.
भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर | मलेसिया जाने श्रमिक ठगी प्रकरणमा पूर्वमुख्यसचिव अर्यालविरुद्ध पक्राउ पुर्जी |

ट्रम्पलाई स्वागत गर्न सी आफैँ विमानस्थलमा, चीनको विशेष कूटनीतिक सम्मान

ट्रम्पलाई स्वागत गर्न सी आफैँ विमानस्थलमा, चीनको विशेष कूटनीतिक सम्मान

काठमाडौँ, २ मंसिर । अमेरिकी राष्ट्रपति डोनाल्ड ट्रम्पलाई स्वागत गर्न चिनियाँ राष्ट्रपति सी चिनफिङ आफैँ विमानस्थल पुग्नुभएको छ । एशिया–प्रशान्त आर्थिक सहयोग (एपेक) सम्मेलनमा सहभागी हुन चीनको सेन्जेन पुग्नुभएका ट्रम्पलाई राष्ट्रपति सीले सेन्जेन विमानस्थलमै पुगेर स्वागत गर्नुभएको हो ।

विदेशी राष्ट्रप्रमुखलाई स्वागत गर्न सी आफैँ विमानस्थल पुग्नुलाई असामान्य कूटनीतिक कदमका रूपमा हेरिएको छ । ट्रम्प विमानबाट ओर्लिएपछि दुई नेताले हात मिलाउँदै एकअर्कालाई अभिवादन गर्नुभएको थियो । विमानस्थलमा रातो कार्पेट बिछ्याइएको थियो भने चिनियाँ तथा अमेरिकी झन्डासहित स्वागत टोली उपस्थित थियो ।

यसअघि अमेरिकी राष्ट्रपति ट्रम्पले वासिङ्टनमा चिनियाँ राष्ट्रपति सीलाई विमानस्थलमै पुगेर स्वागत गर्नुभएको थियो । त्यसैको प्रतिउत्तरस्वरूप सीले पनि ट्रम्पलाई व्यक्तिगत रूपमा स्वागत गर्नुभएको विश्लेषण गरिएको छ ।

सीले यसअघि सन् २००९ मा अमेरिकी राष्ट्रपति बाराक ओबामालाई विमानस्थलमा स्वागत गर्नुभएको थियो । तर त्यतिबेला उहाँ चीनको उपराष्ट्रपति हुनुहुन्थ्यो । यसअघि सेन्जेन आइपुग्नुभएका रुसी राष्ट्रपति भ्लादिमिर पुटिनलाई भने चिनियाँ राष्ट्रपति सीका चिफ अफ स्टाफ काई चीले स्वागत गर्नुभएको थियो ।

सेन्जेनमा जारी एपेक कार्यक्रमका क्रममा अमेरिका, चीन र रुसका राष्ट्रप्रमुखबीच त्रिपक्षीय भेटवार्ता हुने कार्यक्रम छ । उक्त भेटमा क्षेत्रीय सुरक्षा, व्यापार, युक्रेन युद्धलगायत अन्तर्राष्ट्रिय विषयमा छलफल हुने अपेक्षा गरिएको छ ।

 


Thali Mobile Pvt.Ltd.