६६औं प्रहरी दिवस भव्यताकासाथ सम्पन्न

काठमाडौं । आज ६६औं प्रहरी दिवस मनाइएको छ । प्रहरी प्रधान कार्यालय, नक्सालमा विशेष समारोहबीच दिवस मनाइएको हो । दिवसको विशेष समारोहमा प्रधानमन्त्री शेरबहादुर देउवा, गृहमन्त्री बालकृष्ण खाणलगायतको उपस्थिती रहेको थियो ।

प्रहरी प्रधान कार्यालयस्थित अमर प्रहरी स्मारकमा देउवाले पुष्पहार अर्पण गरे । सो अवसरमा प्रथम महिला प्रहरी सेवा निवृत्त प्रहरी सहायक निरीक्षक चैतमाया डंगोललाई ‘लाईफ टाइम अचिभमेण्ट अवार्ड’ प्रदान गरियो ।

प्रहरीका देशभरका युनिटहरूमा कर्तव्य पालनाको क्रममा वीरगति प्राप्त गर्ने अमर प्रहरीका परिवारलाई सम्मान गरिएको छ । प्रहरी दिवसमा नेपाल प्रहरीले शान्ति सुरक्षा कायम गर्न, अपराध नियन्त्रण र अनुसन्धान एवम् विपद् र महामारीमा निर्वाह गरेको भूमिकाको प्रशंसा गरिएको छ ।