- २२ भाद्र २०८३, सोमबार / Sep 7, 2026
काठमाडौं । कपिलवस्तुमा सवारी दुर्घटना हुँदा १० जनाको मृत्यु भएको छ । दुर्घटनामा ४० जना घाइते भएका छन् । कञ्चनपुरको महेन्द्रनगरबाट काठमाण्डौका लागि छुटेको सुनौलो महाकाली यातायातको सुदूरपश्चिम प्रदेश–०२–००१ ख ००९८ नम्बरको बस सडकबाट तल खसेर दुर्घटना भएको हो ।
दुर्घटना कपिलवस्तुको शिवराज नगरपालिका–१ सुरही पुलनजिकै भएको प्रहरीले जनाएको छ । घाइतेमध्ये ९ जनालाई उपचारका लागि बुटवल रिफर गरिएको छ । अन्य घाइतेको सञ्जीवनी र आधारभूत अस्पतालमा उपचार भइरहेको प्रहरीले जनाएको छ । घाइते ११ जना भने सामान्य उपचारपछि अस्पतालबाट डिस्चार्ज भइसकेका छन् ।
मृतकहरू केहीको सनाखद भए पनि केहीको परिचय खुल्न बाँकी रहेको जिल्ला प्रहरी कार्यालय कपिलवस्तुले जनाएको छ । सनाखत भएका मृतकमा रौतहट औराही ३ का ४६ वर्षीय नारायणबहादुर भण्डारी, नेपाली सेना ,कालीजङ्ग गण गोरुसिङ्गेमा कार्यरत सल्यानका अर्जुनकुमार योगी र भारत उत्तरप्रदेश मुरदाबादका सकिल मुसलमान रहेका छन् ।
