- ११ जेष्ठ २०८३, सोमबार / May 25, 2026
काठमाडौं । अक्टोबर ७ दखि गाजामा इजरायली नाकाबन्दी र बमबारीले २७ हजार भन्दा बढी प्यालेस्टाइनीको मृत्यु भएको गाजास्थित स्वास्थ्य मन्त्रालयले जनाएको छ।
इजरायलले गाजा स्ट्रिपमा हमास विरुद्ध ठूलो सैन्य अभियान चलाउँदै आएकोपछि गाजापट्टीमा घाइते भएका दुई हजार २०० भन्दा बढी प्यालेस्टिनी इजिप्ट पुगेको बताइएको छ ।
इजिप्टको राष्ट्रपति कार्यालयले सोमबार जनाएअनुसार प्यालेस्टिनीहरु रफाह सीमा नाका हुँदै इजिप्ट पुगेका बताइएको छ । यो तीन महिनाको तथ्याकं भएको जानकारी दिइएको छ । इजिप्टका विभिन्न प्रान्तमा ४७ अस्पतालहरुमा एक हजार २०० भन्दा बढीको शल्यक्रिया भएको पनि जनाइएको छ ।
स्वास्थ्य तथा जनसंख्या मन्त्रीसँग केही राष्ट्रिय चिकित्सा परियोजनाको प्रगति समीक्षा गर्न बसेको बैठकमा, इजिप्टका राष्ट्रपति अब्देल फताह अल सिसीले इजिप्टले पीडितलाई सहयोग गर्न जारी राख्ने र उनीहरूको जीवन सहज बनाउने बताए।
