जहाज दुर्घटनाः चार जनाको शव निकालियो

काठमाडौं । त्रिभुवन विमानस्थलमा दुर्घटना भएको सौर्य जहाजबाट चार जनाको शव निकालिएको छ । विमानमा सवार अन्यको अवस्थाबारे आधिकारिक विवरण आउने क्रम जारी छ । दुर्घटनापछि उद्धार जारी छ । विमानले अन्य विमानहरूलाई क्षति पुर्‍याएको छैन ।

नजिकका घरहरूमा पनि क्षति पुगेको छैन । बुधबार विहान ११ बजे सौर्य एयरलाइन्सको जहाज पोखरा उड्ने क्रममा रनवेबाट दुर्घटनामा परेको हो । पोखरा उड्ने क्रममा सौर्यको जहाज दुर्घटनामा परेको विमानस्थलका प्रवक्ता प्रेमनाथ ठाकुरले बताए ।

चालक दलका सदस्यसहित १९ जना रहेको उनको भनाइ छ । सुरक्षाकर्मी र विमानस्थलका फायरफाइटरहरु आगो निभाउन लागि परेका छन् ।