- १९ कार्तिक २०८३, बिहीबार / Nov 5, 2026
बाँके । नेपालगञ्जबाट कैलाश मानसरोवरसम्म हिमाली उडान ‘माउण्टेन फ्लाइट’ सुरु भएको छ । पर्यटन व्यवसायसँग सम्बन्धित सङ्घ संस्थाको पहलमा उडान सुरू भएको हो ।
अत्यधिक चिसो र बाक्लो हुस्सुका कारण ‘भिजीबिलीटी’ कमहुँदा उडानमा समस्या भएको गसनासो छ । भारतीय पर्यटकसहितको हिमाली उडानले नेपालगञ्जको खस्कँदो व्यवसायलाई राहत मिल्ने र पर्यटनको विकासमा टेवा पुग्ने पर्यटन व्यवसायी केशव न्यौपानेले विश्वास व्यक्त गरे ।
उडानबाट कैलाश मानसरोवर जाँदा त्यहाँको आर्कषक दृश्यले पर्यटकलाई लोभ्याउने गरेको उनको भनाइ छ । लामो समयको प्रयासपछि हिमाली उडान सुरु भएकामा खुसी व्यक्त गर्दै नेपालगञ्ज पर्यटकीय गन्तव्यका रूपमा स्थापित भएको पर्यटन व्यवसायी डा ओम मिश्रले बताए ।
उडानको सफलतासँगै आर्थिकरूपमा नेपालगञ्जको भविष्य जोडिएको नेपाल एशोसिएसन अफ टुर एण्ड ट्राभल्स एजेन्टस् बाँकेका अध्यक्ष श्रीराम सिग्देलले बताए ।
कैलाश मानसरोवरका लागि आफूले सकेजति योगदान गर्ने आश्वासन दिँदै कम खर्चमा मानसरोवर पुग्न पाएकामा भारतीय नागरिक खुसी भएको पर्यटन व्यवसायी विकास मिश्रले बताए ।
पहिलो दिन मानसरोवर गएर बसेर भोलिपल्ट कैलाशको दर्शन गर्न सकिने भएकाले यो सेवा सहज भएको व्य वसायीको भनाइ छ ।
