- ९ असार २०८३, मंगलवार / Jun 23, 2026
एजेन्सी । गाजापट्टीस्थित अल मगाजी शरणार्थी शिविरमा इजरायलको हवाइ आक्रमणमा ७० जनाको मृत्यु भएको छ। आवसीय भवनमा इजरायली सेनाले गरेको बम आक्रमणमा कैयौँ मानिस घाइते भएको बताइएको छ।
सघन बसोबास रहेको क्षेत्रमा आक्रमण गर्दा ७० जनाको मृत्यु भएको घाइतेलाई नजिकैको अल–अक्सा अस्पताल लैजाँदै गरेका दृश्य सञ्चारमाध्यममा सार्वजनिक भएका छन्।
गत अक्टोबर ७ मा हमास समूहले इजरायलमाथि आक्रमण गरेयता इजरायलले सुरु गरेको हवाई तथा स्थल आक्रमणमा गाजापट्टीमा हालसम्म २१ हजार बढीको मृत्यु भइसकेको छ भने ५४ हजार घाइते भएका छन्।
यीमध्ये धेरै बालबालिका रहेको जनाइएको छ। इजरायलको आक्रमणमा तीनवटा आवसीय भवनमा क्षति पुगेको हमासको स्वास्थ्य मन्त्रालयले जनाएको छ।
