- ३१ आश्विन २०८३, शनिबार / Oct 17, 2026
काठमाडौं । धनुषाबाट आठ थुनुवा फरार भएका छन् । जिल्ला प्रहरी कार्यालय धनुषाको हिरासतबाट सोमबार बिहान साढे ३ बजेतिर भेन्टिलेसन तोडेर ९ जना थुनुवा फरार भएका हुन । ९ जना फरार थुनुवा मध्ये एक जना थुनुवा पक्राउ परेका छन् ।
सत्यम् झा नामका थुनुवा जनकपुरको जनकचोकबाट पक्राउ परेको धनुषा प्रहरीले जनाएको छ । फरार भएकाहरूको खोजीका लागि बिहानैदेखि विभिन्न ठाउँमा ‘सर्च’ अभियान चलाएको धनुषा प्रहरीले जनाएको छ ।
फरार थुनुवाहरू लागुऔषध तथा अभद्र व्यवहारअन्तर्गत थुनामा रहेका थिए। फरार हुनेमा लागुऔषध मुद्दाका रञ्जित मण्डल, रोशनकुमार मण्डल, अभास्कर कुमार यादव, विशाल मुखिया र अमितकुमार झा छन्।
यस्तै अभद्र व्यवहारमा पक्राउ परेका बिक्की कार्की, मनिष मण्डल र सुमित मेस्तर (नाबालक) पनि फरार भएको प्रहरीले जनाएको छ ।
