- ३० श्रावण २०८३, शनिबार / Aug 15, 2026
मुख्य बुँदा:
नेपाल नगरपालिका कर्मचारी एशोसिएसन भक्तपुर समितिको आयोजना
पञ्चायती सरकारले नेपाल मजदुर किसान पार्टीलाई समूल नष्ट गर्ने उद्देश्यले रचेको भक्तपुर काण्डको भत्र्सना
कार्यक्रममा प्रमुख सुनिल प्रजापतले सचेत र संगठित भएर जनताको सेवामा लाग्न आग्रह
उपप्रमुख रजनी जोशीले काण्डले नयाँ पुस्तालाई राजनीतिक सचेतना दिने उदाहरण भएको बताइन्
कार्यपालिक सदस्य रोशनमैया सुवालले महिलाहरुको साहस र राज्यस्तरको षड्यन्त्रविरुद्धको एकजुटता स्मरण
अध्यक्ष गौतमप्रसाद लासिवाले कर्मचारीहरूमाथि भएको अवैध दबाब र त्रासका घटनाहरुको स्मरण
भक्तपुर, ८ भाद्र । नेपाल नगरपालिका कर्मचारी एशोसिएसन भक्तपुर नगरपालिका समितिको आयोजनामा भक्तपुर काण्ड (भाद्र ९, कालो दिन) को विरोध र भत्र्सना कार्यक्रम शुक्रबार भक्तपुर नगरपालिकाको सभाकक्षमा सम्पन्न भयो।
कार्यक्रममा बोल्दै भक्तपुर नगरपालिकाका प्रमुख सुनिल प्रजापतले भने, “समाज, देश र जनताको लागि निःस्वार्थपूर्वक सेवामा लाग्ने नेता र कार्यकर्ताविरुद्ध कुनै पनि षड्यन्त्र हुन सक्ने भएकाले सचेत र संगठित भएर रहनुपर्छ।
भक्तपुर काण्डले इतिहासमा राज्य स्तरबाट रचिएको नियोजित षड्यन्त्रको उदाहरण प्रस्तुत गर्छ, र फेरि पनि यस्ता षड्यन्त्र हुन सक्ने भएकाले सजग रहन आवश्यक छ।”
उपप्रमुख रजनी जोशीले भक्तपुर काण्डले महिलालाई पनि राजनीतिक रूपमा संगठित हुन सिकाएको र नेमकिपाले हरेक वर्ष यस स्मरण गर्दै नयाँ पुस्तालाई सचेत पार्दै आएको बताइन।
कार्यपालिका सदस्य रोशनमैया सुवालले महिलाहरुले अदम्य साहसका साथ राज्यस्तरको खुला षड्यन्त्रविरुद्ध एकजुट भई डटेर काम गरेको स्मरण गरिन ।
नेपाल नगरपालिका कर्मचारी एशोसिएसन भक्तपुर नगरपालिका समितिका अध्यक्ष गौतमप्रसाद लासिवाले काण्डले पञ्चायती व्यवस्थाको अन्त्यमा सहयोग गरेको उल्लेख गर्दै, कर्मचारीहरूमाथि जबरजस्ती अवकाश लगाउने, धम्की दिने र झुटो मुद्दामा फसाउने जस्ता त्रासका घटनाहरुको स्मरण गराए।
कार्यक्रममा एशोसियसनका सहसचिव विकास प्रजापतले स्वागत मन्तव्य राखेका थिए भने सदस्यहरू दिलकृष्ण माक र राजेश दिस्तीले पनि भक्तपुर काण्डबारे बताएका थिए ।
