- ९ बैशाख २०८३, बुधबार / Apr 22, 2026
काठमाडौं । कास्कीमा एक युवकको ज्यान गएको छ । निरन्तर वर्षापछिको पहिरोले घर बगाउँदा एक युवकको ज्यान गएको हो । कच्ची घर माथिबाट आएको पहिरोमा परी युवकको मृत्यु भएको प्रहरीले जनाएको छ ।
मृत्यु हुनेमा पोखरा महानगरपालिका–२७ सहेलपाटामा २२ वर्षीय भीमबहादुर थापाको मृत्यु भएको हो। भीमबहादुरकी आमा ५० वर्षीया कमला थापाको भने सकुशल उद्धार गरिएको जिल्ला प्रहरी कार्यालय कास्कीले जनाएको छ ।
बुधबार बिहान ४ बजेतिर घरमाथिबाट आएको पहिरोले घर बगाउँदा उनको मृत्यु भएको हो । घरमूली मनबहादुर थापा घरमा नरहेकाले सुरक्षित रहेको र नेपाल प्रहरी र स्थानीयले बुधबार बिहान ७ बजे भीमको शव मृत अवस्थामा फेला पारेका हुन्।
