आगलागीमा परेर दुई छोरीसहित चार जनाको मृत्यु

ललितपुर । ललितपुर महानगरपालिका–१७ स्थित एक टहरोमा आगलागी हुँदा चार जनाको ज्यान गएको छ ।

दुई छोरी र आमापछि बुवाको पनि मृत्यु भएको प्रहरीले जनाएको छ । मोबिल भण्डार गरिएको टहरोमा गत वैशाख २३ गते आगलागी हुँदा सञ्जय गिरी परिवारका सदस्यहरु घाइते भएका थिए । शनिबार सञ्जयको मृत्यु भएको जिल्ला प्रहरी परिसर ललितपुरका एसएसपी शेखर खनालले बताए ।

किस्ट अस्पतालको भेन्टिलेटरमा उनको मृत्यु भएको हो । आगलागी भएको भोलिपल्टै उनका दुई छोरीहरु ८ वर्षीया प्रिया र ३ वर्षीया एलिसाकाको मृत्यु भएको थियो । सञ्जयका भतिज १५ वर्षीय नित गिरीको उपचार जारी छ ।