- १ भाद्र २०८३, सोमबार / Aug 17, 2026
बंगलादेश । आन्दोलनकारीले सर्वोच्च अदालत घेरेपछि प्रधानन्यायाधीशले राजीनामा दिएका छन् । प्रधानन्यायाधीश ओबेदुल हसनले राजीनामा दिएका हुन् ।
शनिबार बिहानदेखि सयौंको संख्यामा सर्वोच्च अदालत परिसर पुगेका आन्दोलनकारीले प्रधानन्यायाधीशको राजीनामा माग गर्दै नाराबाजी गरेका थिए।
आन्दोलनकारीहरूले उनलाई राजीनामा गर्नका लागि दिउँसो १ बजेसम्मको अल्टिमेटम दिएका थिए । अल्टिमेटमअघि नै अदालत परिसरमा उपस्थित भएका पत्रकारहरूसँग बोल्दै हसनले आफू पदबाट बाहिरिएको घोषणा गरे ।
अदालत परिसरमा जम्मा भएका आन्दोलनकारीले राजीनामा नदिए उनको निवास घेर्ने चेतावनी दिएका थिए । हसनले सर्वोच्च अदालत, उच्च र तल्लो तहको अदालतका न्यायाधीशहरूको सुरक्षाका लागि आफूले राजीनामा दिएको जिकिर गरे ।
