श्री एयरलाइन्सको जहाज आकस्मिक अवतरण

काठमाडौं । श्री एयरलाइन्सको जहाज त्रिभुवन अन्तर्राष्ट्रिय विमानस्थलमा आकस्मिक अवतरण गरेको छ ।

सुर्खेतबाट ५४ यात्रु लिएर आएको सो जहाजको ‘इन्डिकेसन’ मा समस्या पहिचान भएपछि पाइलटले नियम अनुसार ‘इमर्जेन्सी’ मागेको कम्पनीका कर्पोरेट म्यानेजर अनिल मानन्धरले बताए ।

सोही अनुसार जहाज सकुशल अवतरण भएको हो। अहिले जहाजको प्राविधिक जाँच गरेको छ । जहाज साँझ ६ बजेतिर अवतरण गरेको उनको भनाइ छ ।

नियमित उडानकै बेला जहाज सकुशल अवतरण भएको र इन्डिकेसनमा समस्या देखिँदा प्राथमिकताका साथ जहाज अवतरण गराउनु उडान सुरक्षा ‘प्रोटोकल’ भित्रकै काम भएको धारणा अधिकारीको छ ।