- ३१ आश्विन २०८३, शनिबार / Oct 17, 2026
दाङ । घोराहीको दामोदर चोकमा डिउटीमा रहेका महिला प्रहरीको गोली हानेर हत्या भएको छ ।
वडा प्रहरी कार्यालय घोराहीमा कार्यरत प्रहरी जवान धनमाया थापाको गोली उनकै श्रीमानले हानेर हत्या गरेको जिल्ला प्रहरी कार्यालय दाङले जनाएको छ ।
घटना करिब साढे ७ बजे भएको हो । गोली हानेर भाग्दै गरेका यमबहादुर झाक्रीलाई लमही अर्जुनखोलाबाट पक्राउ गरेको प्रहरीले जनाएको छ । झाक्री नेपालगञ्जमा कार्यरत प्रहरी रहेको बुझिएको छ ।
