ट्याक्टर दुर्घटनाहुँदा पतिपत्नीसहित एकै गाउँका पाँच जनाको मृत्यु

रुकुमपश्चिम । ट्याक्टर दुर्घटनाहुँदा पतिपत्नीसहित एकै गाउँका पाँच जनाको मृत्यु भएको छ । दुर्घटनामा ८ जना घाइते भएका छन् । जसमध्ये तीन जनाको अवस्था गम्भीर छ ।

बुधबार राति आठबीसकोट नगरपालिका १० को इजाखोला नजिक रा १ त १४ नम्बरको ट्याक्टर दुर्घटना भएको हो ।

मृत्यु हुनेमा वडाको डाँडा भन्ने स्थानका ५२ वर्षीय भर्दर सार्की तथा सार्कीडाँडाका ४८ वर्षीय धनराम सार्की र ४७ वर्षीया निर्मला सार्कीको मृत्यु भएको नगरपालिकाले जनाएको छ।

आठबीसकोट नगरपालिका–१० पिरिकोटबाटवडा नम्बर ८ स्थित घर्तीगाउँ जाँदै गरेको भूकम्पपीडितको जस्ता पाता बोकेको रा १ त १४ नम्बरको ट्र्याक्टर घुम्तीमा मोड्न खोज्दा दुर्घटना भएको आठबीसकोट इलाका प्रहरी कार्यालयले जानकारी दिएको छ ।

घाइतेको नगर अस्पतालमा उपचार भइरहेको प्रहरीले बताएको छ । ट्याक्टरका चालक आठबीसकोट ९ का २१ वर्षीय गोपाल विक फरार रहेको र खोजीकार्य भइरहेको प्रहरीले जनाएको छ।