सुत्केरी हुन नसकेपछि हेलिकप्टरद्वारा महिलाको उद्दार

दैलेख । दैलेखको आठबीस नगरपालिका वडा नं ६ सिंहासैनबाट सुत्केरीको उद्दार गरिएको छ । सुत्केरी हुन नसकेपछि दैलेखको आठबीस नगरपालिका वडा नं ६ निवासी रुपा नेपालीलाई सेनाको हेलिकप्टरबाट मंगलबार उद्दार गरिएको हो ।

आठबिस नगरपालिका वडा नं ६ स्थित गोपी नेपालीको श्रीमती सुत्केरी हुन नसकेपछि अस्पताल लैजान नेपाली सेनाको हेलिकप्टरबाट उद्वार गरि प्रदेश अस्पताल सुर्खेत लगिएको जनाएको छ ।उनको स्वास्थ्यचौकि सिंहासैनमा उपचार सम्भव नभएपछि सुर्खेत अस्पताल लगिएको हो ।

पछिल्लो समय गाउँ–गाउँमा हेलीप्याड वन्दा आतप विपतको वेला काम लाग्ने गरेको छ । गाउँ–गाउँमा हेलीप्याड भएपनि समयमा उपचार नपाएर कतिपय महिलाले बच्चा जन्माउन नसकेर मृत्युवरण गरेका घटनाहरु धुप्प्रै रहेका छन् ।