नगरप्रमुख वाईबाको नेतृत्वमा ८ सदस्यीय टोली जापान प्रस्थान

काभ्रे । काभ्रेको मण्डनदेउपुर नगरपालिका प्रमुख टोक बहादुर वाईवा नेतृत्वको ८ सदस्यीय टोली जापान प्रस्थानज गरेको छ । जापानको फुजिनोमिया नगरको औपचारिक निमन्त्रणामा नगर प्रमुख टोक बहादुरवाईबाको नेतृत्वमा ८ सदस्यीय टोली जापान प्रस्थान गरेको हो ।

भ्रमण दलमा उपप्रमुख विष्णुमणी नेपाल, वडा नम्बर ४ का अध्यक्ष मैते सिंह तामाङ, वडा नम्बर ६ का अध्यक्ष सोम प्रसाद ढकाल (कुमार), वडा नम्बर ८ का अध्यक्ष निरञ्जन विष्ट, लेखा अधिकृत पुरुषोत्तम बजगाई, योजना अधिकृत काशिनाथ नेपाल र स्वास्थ्य शाखा प्रमुख दिपक घिमिरे रहेका छन् ।

जापान भ्रमणका क्रममा नगरपालिकालाई आर्थिक भार नपर्ने गरि भ्रमण तय गरिएको नगरपालिकाले जनाएको छ । काभ्रेको मण्डनदेउपुर नगरपालिका र जापानको फुजिनोमिया नगरबीच भगिनी सम्बन्ध रहेको छ ।