- ६ असार २०८३, शनिबार / Jun 20, 2026
काठमाडौँ । झापामा कोशी प्रदेशका पूर्वमुख्यमन्त्री उद्धव थापामाथि आक्रमण भएको छ। नेपाली कांग्रेस कोशी प्रदेश संसदीय दलका नेतासमेत रहेका पूर्वमुख्यमन्त्री थापामाथि सुरुङ्गामा आक्रमण भएको हो।
उनी नेपाल प्रेस युनियन झापाले आयोजना गरेको कार्यक्रममा सहभागी भएर फर्किने क्रममा आक्रमणमा परेका हुन । पूर्वमुख्यमन्त्री थापाले आफू चढेको बा१झ ६५३ नंको गाडीलाई अवरोध गरी अपरिचित समूहद्वारा अचानक आक्रमण गरिएको बताए।
आक्रमणमा थापाको आँखा र अनुहारमा सामान्य चोट लागेको छ। विर्तासिटी हस्पिटलमा उपचारपछि उनी निवास फर्किसकेका छन्।
आक्रमण गर्ने नेपाल विद्युत् प्राधिकरणका कर्मचारी रहेका छन्।
प्राधिकरणका चालक र सहयोगीलाई नियन्त्रणमा लिएर अनुसन्धान थालिएको छ । कच्ची बाटो रहेको र त्यहाँ ओभरटेकका विषयमा आक्रमण भएको जनाइएको छ ।
