सेवाग्राहीबाट तीन लाख रुपैयाँ घुस लिइएको अवस्थामा रकमसहित अधिकृत पक्राउ

काठमाण्डौ । शाखा अधिकृत तीन लाख रुपैयाँ घुस रकमसहित पक्राउ परेका छन् । राष्ट्रिय किताब खाना (शिक्षक) छाउनीमार्ग तहाचल, काठमाण्डौमा कार्यरत शाखा अधिकृत तीन लाख घुस सहित पक्राउ परेका हुन ।

पक्राउ पर्नेमा धनेश्वर प्रसाईं रहेको अख्तियार दुरुपयोग अनुसन्धान आयोगले जनाएको छ । यसबारे थप अनुसन्धान भइरहेको अख्तियारले जनाएको छ ।

पेन्सनपट्टा बनाइदिने प्रयोजनका लागि सेवाग्राहीसँग घुस माग गरिरहेको सूचना एवम् उजुरी निवेदनका आधारमा आयोगबाट खटिएको टोलीले प्रसाईंलाई पक्राउ गरिएको हो । सेवाग्राहीबाट तीन लाख रुपैयाँ घुस लिइसकेको अवस्थामा रकमसहित कार्यकक्षबाट उनी पक्राउ परेका हुन ।