- १८ असार २०८३, बिहीबार / Jul 2, 2026
काठमाडौं । मित्रपार्क स्थित ‘स्वागतम रेष्टुरेन्ट एण्ड बार’ सञ्चालक महिलाले नाबालिकालाई यौन क्रियाकलापमा लगाएर पैसा उठाउने गरेको पाइएको छ । नाबालिकालाई यौन क्रियाकलापमा लगाएको आरोपमा प्रहरीले दुई महिलालाई पक्राउ गरको छ ।
दोलखा जिरी नगरपालिका ९ बस्ने २५ वर्षीया श्रृजना तामाङ घिसिङ (मञ्जु)र नुवाकोट बलकोटगढी नगरपालिका–४ बस्ने २६ वर्षीया निशा नेपालीलाई पक्राउ गरेको हो । उनीहरुलाई मानव बेचबखिचन अनुसन्धान ब्यूरोको टोलीले मित्रपार्कबाट पक्राउ परेको हो ।
आर्थिक अवस्था कमजोर भएका बालिकाहरुलाई वेटरको काम भन्दै जबरजस्ती यौन क्रियाकलापमा लगाउने गरेको पाइएको छ । दैनिक ५ देखि १५ जना ग्राहकसँग यौन सम्पर्क गर्न लगाएर रेष्टुरेन्ट सञ्चालकले रकम उठाउने गरेको प्रहरीको प्रारम्भिक अनुसन्धानबाट खुलेको छ ।
ग्राहकले दिएकोमध्ये आधा रकम नाबालिकालाई दिने प्रलोभन देखाए पनि उक्त रकम समेत उनीहरुले नदिने गरेको ब्यूरोका एसपी तथा प्रवक्ता गौतम मिश्रले बताए ।
