नाइजेरियाको बोर्नो राज्यमा सशस्त्र विद्रोहीको आक्रमण, २२ सैनिकको मृत्यु

एजेन्सी । नाइजेरियाको उत्तरपूर्वी बोर्नो राज्यको एक दुर्गम शहरमा सशस्त्र विद्रोहीहरूले आक्रमण गरेका छन् । आक्रमणमा कम्तिमा २२ नाइजेरियाली सैनिकको मृत्यु भएको र अन्य धेरै घाइते भएकाे बताइएकाे छ ।

सेनाका प्रवक्ता एडवर्ड बुबाले नाइजेरियाको राजधानी अबुजामा सोमबार सशस्त्र विद्रोहीहरूले आक्रमण गरेको पुष्टि गर्दै भने  विद्रोहीहरूले सेनालाई रोक्नका लागि मात्रामा विस्फोटक उपकरणहरूको प्रयोग गरेकाे बताए ।

हालैका वर्षहरूमा बोर्नो राज्यमा सेनाले विद्रोहीहरूका धेरै प्रयासहरूलाई विफल बनाएको छ। विद्रोहीहरूले नाइजेरियाका उत्तरी र मध्य क्षेत्रहरूमा सुरक्षा चुनौती थप्दै गएपछि स्थिति अझ गम्भीर बनेको छ।