- २९ श्रावण २०८३, शुक्रबार / Aug 14, 2026
भक्तपुर । ‘लाइट स्टोन’मा लगानी गर्ने भन्दै १० लाख रुपैयाँ सङ्कलन गरेर भागेका तीन जना पक्राउ परेका छन् । दोलखाको भीमेश्वर नगरपालिकाका अम्मरबहादुर तामाङ, नुवाकोटको शिवपुरि गाउँपालिकाका दिलबहादुर दमाई र नुवाकोटकै दुप्चेश्वर नगरपालिकाका सुनिल तामाङलाई पक्राउ गरेको जिल्ला प्रहरी परिसर भक्तपुरले जनाएको छ ।
पक्राउ परेका उनीहरूको साथबाट प्रहरीले ४ वटा विभिन्न सकम्पनीका मोबाइल, विभिन्न बैंकको चेकबुक बरामद गरेको छ ।
दोलखाका भीमबहादुर कार्कीलगायत अन्य व्यक्तिसँग अम्मरबहादुरले ‘लाइट स्टोन’मा लगानी गरेमा फाइदा हुन्छ भनी प्रलोभन देखाएर १० लाख रुपैयाँ उठाएर भागेका थिए ।
