कोकिनसहित पाँच जना विदेशी पक्राउ

काठमाडौं । भारी मात्रामा लागुऔषध कोकिनसहित पाँच जना विदेशी नागरिक पक्राउ परेका छन् । नेपाल प्रहरीको लागुऔषध नियन्त्रण ब्युरोको टोलीले बोलिभिया र तान्जेनियाका नागरिकबाट चार किलोभन्दा बढी कोकिन बरामद गरेको हो ।

पक्राउ परेका मध्ये एक भारतीय नागरिक समेत छन् । कोकिन कसरी र कहिले नेपाल भित्र्याइयो भन्नेबारे ब्युरोले बिहीबार पत्रकार सम्मेलन गरेर जानकारी गराउने तयारी गरेको छ ।

काठमाडौंका विभिन्न ठाउँबाट फरक–फरक मितिमा प्रहरीले उनीहरूलाई पक्राउ गरेको हो ।