४ लाख घुससहित नापी कार्यालयका कर्मचारी पक्राउ

काठमाडौं । नापी कार्यालय लगनखेल, ललितपुरका सर्भेक्षक संजिवकुमार यादव र आरबी लेखापढी सेन्टरका संचालक रामबाबु भुजेल ४ लाख घुससहित पक्राउ परेका छन् ।उनीहरूलाई घुस लिइसकेको अवस्थामा ललितपुर महानगरपालिका १२ हनुमानस्थानमा रहेको आरबी सेन्टरबाट बिहीबार नियन्त्रणमा लिइएको अख्तियारले जनाएको छ ।

जग्गा हालसाविक गरी पुर्जा उपलब्ध गराइदिने प्रयोजनका लागि सेवाग्राहीबाट घुस लिएको सूचनाका आधारमा अख्तियारले उनीहरूलाई नियन्त्रणमा लिएको हो ।