- १४ आश्विन २०८३, बुधबार / Sep 30, 2026
काठमाडौं । जुवा खेलिरहेको ठाउँबाट १२ लाख रुपैयाँ नगदसहित काठमाडौंबाट ७ जना पक्राउ परेका छन्।
काठमाडौं महानगरपालिका वडा नम्बर ६ बौद्ध तिनचुलीमा जुवा खेलाउने मुख्य चिनिया नागरिकसहित ७ जना पक्राउ परेका हुन्।
पक्राउ पर्नेमा चीनको आम्दो घर भई बौद्ध बस्दै आएका २४ वर्षीया सोनाम तामाङ, भारत घर भई बौद्ध बस्ने जाम्पा खेदुप, चीन घर भई काठमाडौं महानगरपालिका६ तिनचुली बस्ने ३० वर्षीय नोर्बु साम्देन, चीन घर भई बौद्ध बस्ने २७ को दासाङ, चीन घर भई काठमाडौं महानगरपालिका(२७ बस्ने ४५ वर्षीय चिनिया नागरिक विई चुनलिन, बौद्ध बस्ने २८ को तेन्जिङ नोर्बु शर्पा र सिन्धुपाल्चोक पाँचपोखरी थङपाल गाउँपालिका वडा नम्बर ४ घर भई हाल बौद्ध बस्ने ३५ को लोप्साङ लामा पक्राउ परेका हुन्।
उनीहरूलाई काठमाडौं उपत्यका अनुसन्धान कार्यालयको टोलीले शुक्रबार पक्राउ गरेको हो।
