कलंकीबाट नक्कली नोटसहित दुई जना पक्राउ

काठमाडौं । काठमाडौंको कलंकीबाट नक्कली नोटसहित दुई जना पक्राउ परेका छन्। नक्कली नोटको कारोबार गरेको आरोपमा प्रहरीले दुई जनालाई पक्राउ गरेको जिल्ला प्रहरी परिसर काठमाडौंले जनाएको छ।

पक्राउ पर्नेमा चिया पसल संचालक ४७ वर्षीया तारादेवी डंगोल र नागर्जुन नगरपालिका-५ बस्ने ४१ वर्षीया निलिमा श्रेष्ठ छन्। उनीबाट नेपाली एक हजार दरको ५ सय १४ थान (५ लाख १४ हजार) बराबरको नक्कली नोटसहित प्रहरीले पक्राउ गरेको हो।

उनलाई नियन्त्रणमा लिएर अनुसन्धान गर्दा निलिमा श्रेष्ठको संलग्नता देखिएको थियो। उनलाई नागर्जुन-५ पद्मा कोलनीबाट पक्राउ गरी अनुसन्धान अघि बढाएको प्रहरीले जनाएको छ।