- २३ भाद्र २०८३, मंगलवार / Sep 8, 2026
काठमाडौँ, ७ मंसिर । बाबुराम भट्टराई नेतृत्वको नेपाल समाजवादी पार्टी (नयाँ शक्ति), जनार्दन शर्मा नेतृत्वको प्रगतिशील राष्ट्रिय अभियान र सन्तोष परियार नेतृत्वको समूह लगायतका घटकहरूले आज पार्टी एकता घोषणा हुँदैछ ।
एकता घोषणासभा काठमाडौँस्थित राष्ट्रिय सभागृहमा आयोजना हुँदै छ । जसको सम्पूर्ण तयारी पूरा भएको नेसपा (नयाँ शक्ति)का प्रचार विभाग प्रमुख रेखी गुरुङले जानकारी दिएकी छन् । उनले तीन समूह बाहेक अन्य वैकल्पिक धारका समूहहरूलाई पनि आजकै घोषणासभामार्फत एकतामा सहभागी गराउने प्रयास भइरहेको बताएकी छन् । यसअघि नेसपा (नयाँ शक्ति), प्रगतिशील राष्ट्रिय अभियान र परियार समूहबीच कात्तिक २८ गते एकता सहमतिमा हस्ताक्षर भएको थियो ।
नयाँ शक्ति पार्टीले हाल विवेकशील साझा, नागरिक उन्मुक्ति पार्टी नेपाल, जेनजीसँग सम्बन्धित विभिन्न समूहलगायत अन्य वैकल्पिक शक्तिसँग समेत एकता र सहकार्यका लागि छलफल जारी राखेको छ ।
