- ३० असार २०८३, मंगलवार / Jul 14, 2026
एजेन्सी । चीनले ग्रेट वालमा यूएभी मार्फत आवश्यक सामग्री पठाउन शुरु गरेको छ । चीनको ग्रेट वालको बादलिङ खण्डमा पहिलो मानवरहित हवाई सेवा सामान्यतया ड्रोनबाट सेवा सुरु गरेको हो ।
सुविधाको अभावमा पर्यटकलाई पिउने पानीलगायतको आपूर्तिमा समस्या हुँदै आएको छ । ग्रेट वालको सबैभन्दा लोकप्रिय खण्डमध्ये, बादलिङ रमणीय क्षेत्र पहिलो पटक सन् १९५८ मा पर्यटकका लागि खोलिएको थियो । ग्रेट वालको कुल लम्बाइ बीस हजार किलोमिटरभन्दा धेरै छ ।
यसमा उत्तरको बेइजिङ, हेबेई र भित्री मङ्गोलिया र उत्तरपश्चिममा गान्सु र सिनजियाङलगायत १५ प्रान्तीय–स्तरका क्षेत्रहरू फैलिएको छ । चीनको ‘ग्रेट वाल’ विश्वको ७ औँ आश्चर्यका रुपमा चिनिन्छ । ग्रेट वाल हेर्न हरेक वर्ष एक करोडभन्दा धेरै पर्यटक पुग्ने गर्छन् ।
पर्यटकलाई राहत तथा आपतकालीन सामग्री छिनभरमै पुर्याउन सेवा शुरु गरेको चिनियाँ समाचार संस्था सिन्ह्वाले जनाएको छ ।
