- २ भाद्र २०८३, मंगलवार / Aug 18, 2026
काठमाडौं । मनसुनको न्यून चापीय रेखा उत्तरतिर र पूर्वमा सरदर स्थानको दक्षिणतिर अवस्थित छ । हाल देशभर आंशिकदेखि साधारणतया बदली रही बागमती र गण्डकी र कर्णाली प्रदेशमा मेघ गर्जन, चट्याङ्गसहित वर्षा भइरहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ ।
दिउँसो देशभर आंशिकदेखि साधारणतया बदली रहने विभागको अनुमान छ । कोशी, बागमती, लुम्बिनी र कर्णाली प्रदेशका केही स्थान तथा गण्डकी र सुदूरपश्चिम प्रदेशका थोरै स्थानमा मेघ गर्जन र चट्याङ्गसहित मध्यम वर्षाको सम्भावना छ ।
विभागका अनुसार आज राति देशको पहाडी भागमा आंशिकदेखि साधारणतया बदली रही बाँकी भागमा मेघ गर्जन, चट्याङ्गसहित वर्षाको सम्भावना छ ।
